Олег Владимирович Попиков — коргоо, мамлекеттик башкаруу, өнөр жай жана ири уюмдарды башкаруу тармактарында 40 жылдан ашык кесиптик тажрыйбасы бар жетекчи.
1962-жылдын 10-январында Бишкек шаарында төрөлгөн. Эки жогорку билими бар: Горькийдеги жогорку зениттик-ракеталык командалык окуу жайын «Радиотехникалык каражаттарды пайдалануу боюнча инженер» адистиги жана Кыргыз мамлекеттик университетин «Юриспруденция» адистиги боюнча аяктаган.
Кесиптик жолун СССРдин Куралдуу Күчтөрүндө баштап, кызматын Кыргыз Республикасынын Куралдуу Күчтөрүндө уланткан. Командалык жана жетекчилик кызматтарды, анын ичинде Кыргыз Республикасынын Коргоо министрлигинин башкармалыгынын башчысы жана Кыргыз Республикасынын Куралдуу Күчтөрүнүн Абадан коргонуу күчтөрүнүн командачысы кызматтарын ээлеген. Ошондой эле мамлекеттик башкаруу жана эл аралык кесиптик кызматташуу жаатында тажрыйбасы бар.
Ар кайсы жылдары Бишкек шаарынын мэриясында жетекчилик кызматтарды, анын ичинде вице-мэр кызматын ээлеген. 2014-жылдан тартып «Бишкек машина куруу заводу» ААКсын башкарманын төрагасы катары жетектеген.
Бүгүнкү күндө Олег Владимирович Попиков «Южный Бастион» ЖЧКсын жетектеп, компаниянын стратегиялык өнүгүүсүн, мамлекеттик түзүмдөр жана өнөктөштөр менен өз ара аракеттенүүнү, ошондой эле атайын багыттагы продукциялар тармагындагы комплекстүү долбоорлорду ишке ашырууну камсыз кылат.
